E filosofia polítiko di partido PAIS ta soshal liberal. Manera hopi partido soshal liberal, partido PAIS ta posishoná su mes komo sentro-izkierdo. Soshal liberalismo ta kere ku kapitalismo sin restrikshon no ta kontribuí na bienestar di un i tur. Un soshal liberal ta kere ku kada ken mester karga su responsabilidat, pero ku Gobièrnu tambe tin responsabilidat den área di salubridat, enseñansa i hustisia soshal.
Tambe e Gobièrnu tin un papel importante den mantenshon di órden, protekshon di derechinan humano i pa mantené un ekonomia habrí, basá riba reglanan ku ta garantisá metanan ekonómiko, soshal i di medio ambiente. Partidonan konosí pa nan filosofia soshal liberal ta D-66 (Ulanda) i (un gran parti di) Democratic Party (Merka).
| Openingstijden | |
| Betaalwijze |